AGENNUM seu AGINUM Ausonio

AGENNUM, seu AGINUM Ausonio

Ep. 24. v. 79. Aginnum Ptol. et Antonino, Ageducem Achilli Statio. Agredicum Antonino, vulgo Agen, urbs Aquitaniae praeclara ad Garumnam fluv. Cuius meminerunt Plin. l. 4. c. 19. et Ausonius loc. cit.

Santonus ut sibi Burdigalam mox iungat Aginum.

longitud. 23. 35. latitud. 44. 08. Patria est Ios. Scaligeri: Cuius circumiacens regio, le pays d'Agencis, Aginnensis tractus, mire fertilis et rigua est. Episcopalis est sub Archiepiscopo Burdigalensi. Eius praeter iam dictos, meminêre, Strabo, Plinias, Gregorius Turonensis, Apollinaris etc. Papyrius item Massonius, Elias Vinetus, Scaliger, Sammart. Iohannes inprimis Darnoultius, qui de Antiquit. urlis et agri Aginnensis, librum edidit peculiarem. Comprehensus est hic

ager, inter Petrocoriensem, Armaniacum, Cadurcensem et Vasatensem, tractus. Hinc Agennensis Moneta, quae Agenni cusa, memoratur, in Charta Episcopi Agennensis A. C. 1246. in Regesto Tolosanae Camerae Comput. Parif. apud Car. du Fresne in voce Moneta.